यू-१९ विश्वकप : सेमिफाइनलमा भारत र दक्षिण अफ्रिका भिड्दै

खोजतलास

२०८० माघ २१ आइतवार

18.9k Shares

काठमाडौं – आईसीसी यू–१९ विश्वकपको पहिलो सेमिफाइनल मंगलबार हुँदैछ । पहिलो सेमिफाइनलमा दक्षिण अफ्रिकाले भारतको सामना गर्नेछ । सुपर सिक्सको समूह ‘ए’को विजेता भारत र समूह ‘बी’को उपविजेता दक्षिण अफ्रिकाको भेट पहिलो सेमिफाइनलमा हुन लागेको हो ।

यो खेल मंगलबार दिउँसो नेपाली समय अनुसार १ बजेर ४५ मिनेटमा दक्षिण अफ्रिकाको बेनोनी मैदानमा हुनेछ ।

चार खेलमा चारमै जित निकाल्दै आठ अंकसहित भारत समूह विजेता बन्दै सेमिफाइनलमा पुगेको हो । अर्को समूहको दक्षिण अफ्रिका चार खेलमा एउटामा पराजित भएर ६ अंकसहित उपविजेता बनेको हो ।