श्रावण ३१, २०८३ / 2026-08-16
सुनसरी- ताप्लेजुङको प्रसिद्ध पाथीभरा धाममा आईएमई समूहले निर्माण गरिरहेको केबलकारको पक्षमा लागेको भन्दै एकजना व्यक्तिमाथि कुटपिट र दुर्व्यवहार भएको छ ।
नो केबलकार समूहका सदस्यहरूले आइतबार धरानमा पदम चेन्जी माबोलाई मोसो दलेर कुटपिटसमेत गरेकमा हुन् ।
ताप्लेजुङ निवासी उनलाई आइतबार मुकुम्लुङ संरक्षण संयुक्त संघर्ष समिति सुनसरीका नेता-कार्यकर्ताले धरान उपमहानगरपालिका-९ पुतली लाइनमा कुटपिट गरी मोसो दलेर दुर्व्यवहार गरेका हुन् ।
माबोले केबुलकारको पक्षमा सार्वजनिक रुपमा बोलेको र विरोध गर्नेलाई गाली गरेको आरोप लगाइएको छ । उनलाई मोसो दलेर सचेत गराइएको जनमुक्ति पार्टीका केन्द्रीय उपमहासचिव विष्णु थाम्देनले जिकिर गरे ।
