आश्विन २२, २०८३ / 2026-10-08
न्युयोर्क – अमेरिकी राष्ट्रपति पदको निर्वाचन नजिकिँदै जाँदा रिपब्लिकका डोनाल्ड ट्रम्प र डेमोक्र्याट कमला ह्यारिस सञ्चार माध्यममा प्रस्तुत हुनेक्रम जारी छ।
उपराष्ट्रपति कमला ह्यारिसले केही समय अघि एनबिसी न्युजमा दिएको अन्तरवार्तामा पदावधिको अन्तिम समयमा पुगेका राष्ट्रपति जो बाइडेनको वकालत गरेकी छिन्। गत जुनमा भएको एक बहसमा बाइडेनको प्रस्तुति कमजोर भएपछि डेमोक्र्याटको चुनावी अभियानमा नै धक्का लागेको थियो।
त्यसपछि नै जुलाई महिनामा बाइडेनले उम्मेदवारी त्यागेका थिए। सोही कारणले ह्यारिसको उम्मेदवारीको बाटो खुलेको थियो। ह्यारिसले जुन महिनाको बहसमा बाइडेनलाई मात्र एकोहरो दबाब दिइएका कारण सो अवस्था आएको जिकिर गरेकी छिन्।
गर्भपतन सम्बन्धी कानुनमा ह्यारिसको धारणा यथावतै कायम छ। उनले समलिङ्गी कैदीको कानुनको विषयमा पनि आफ्नो धारणा प्रस्ट राखेकी छिन्।
