कार्तिक २३, २०८३ / 2026-11-08
काठमाडाैँ – नेपाली कांग्रेसका महामन्त्री प्रदीप पौडेलले जनताको स्वतन्त्रता खोस्ने काममा सरकार उद्दत भएको बताएका छन्।
आइतबार काठमाडौँको टोखामा आयोजित शुभकामना आदानप्रदान कार्यक्रममा नागरिक स्वतन्त्रतालाई नियन्त्रण गर्ने जस्ता निरङ्कुश शासन व्यवस्था हाबी हुन लागेको समेत बताए ।
उनले प्रधानमन्त्रीका सल्लाहकारले आफू विरुद्धको प्रमाण मेटाउने र आफूलाई चाहने प्रमाण सार्वजनिक गरेको आरोप समेत लगाए । उनले अहिले व्यवस्था ल्याउन केहि नगर्नेहरुलाई जनताले दुईतिहाई मत दिएको भन्दै जनमतको दुरुपयोग नगर्न सरकारलाइ सुझाव दिए ।
त्यस्तै उनले कांग्रेसको बृहत् एकताका निम्ति अधिकतम प्रयत्न गरेको बताए । उनले विधिको शासन भएको देशमा एउटै पार्टीको दुई वटा सभापति र एउटा पार्टीको दुई वटा झन्डा चुनावचिह्न हुन नसक्ने उल्लेख गरे ।
कांग्रेसको अर्को पक्षको गतिविधि विधिको शासनको बरखिलाफमा रहेको उनको भनाइ छ ।
