सुनकोशीमा दम्पती हराएको २४ घण्टा नबित्दै महिलाले तामाकोसीमा हाम फालिन्

खोजतलास

२०८३ श्रावण २२ शुक्रवार

790 Shares

काठमाडौं– दोलखाको तामाकोशी पुलबाट हाम फालेकी एक महिलाको मृत्यु भएको छ ।

बगरबास गाडीमा आएर हाम फालेकी ती महिला वैतेश्वर -४ कि सितामाया दाहाल रहेको वडा अध्यक्ष कुमार चौलागाईंले बताए ।

बिहान ७ बजेतिर नदीमा हाम फालेकी दाहालको शव केही तल किनारमा भेटिएको थियो ।

मृतकका आफन्तलाई खबर गरेर शवको मुचुल्कासहित आवश्यक अनुसन्धान थालिएको प्रहरीले जनाएको छ ।

बुधबार साँझ करिब ६ बजेर ३० मिनेटमा मण्डनदेउपुर नगरपालिका–७ निवासी ६८ वर्षीय केदारनाथ पराजुली र उनकी ६७ वर्षीया श्रीमती तिलकुमारी पराजुली सुनकोशी नदीमा हामफाली बेपत्ता भएका थिए ।