भाद्र २, २०८३ / 2026-08-18
काठमाडौं प्रहरी हिरासतबाट भागेकी एक महिलालाई प्रहरीले पक्राउ गरेको छ।
धनकुटाकी ३० वर्षीया सविना अधिकारीलाई नागढुंगाबाट पक्राउ गरिएको हो।
उनलाई ८८ ग्राम खैरो हेरोइनसहित पक्राउ गरिएको छ र थप अनुसन्धान भइरहेको छ।
काठमाडौँ । जेनजी प्रदर्शन हुँदा काठमाडौँ प्रहरीको हिरासतबाट भागेका एक जना महिलालाई प्रहरीले पक्राउ गरेको छ । धनकुटाको महालक्ष्मी नगरपालिका वडा नम्बर–७ घर भएकी ३० वर्षीया सविना अधिकारी बुधवार काठमाडौँको नागढुंगाबाट पक्राउ परेकी हुन् ।
राजविराजबाट आउँदै गरेको बा.प्रदेश–००१–००६ ख ७४२० नम्बरको बसमा सवार आरोपीको साथबाट ८८ ग्राम खैरो हेरोइन बरामद गरिएको लागुऔषध नियन्त्रण ब्युरोका एसएसपी कृष्ण कोइरालाले रातोपाटीलाई बताए ।
यसअघि ब्युरोले उनलाई १ सय ग्राम खैरो हेरोइनसहित पक्राउ गरेर जिल्ला प्रहरी परिसर काठमाडौँको हिरासतमा राखेको थियो । जेनजी प्रदर्शन हुँदा उनी भदौ २४ मा हिरासतबाट भागेका थिइन् । आरोपीमाथि प्रहरी वृत्त थानकोटले अनुसन्धान गरिरहेको छ ।
