आश्विन १७, २०८३ / 2026-10-03
काठमाडौं– चुनावका कारण षट्कोण आर्टसको ब्यानरमा बनेको फिल्म ‘लालीबजार’को प्रदर्शन सरेको छ ।
फागुन १ गते प्रदर्शन मिति तोकिएको यो फिल्म अब भने आगामी वैशाख १८ गते प्रदर्शनमा आउने भएको छ ।
निर्माण पक्षले बुधबार टिजर सार्वजनिक गरी नयाँ प्रदर्शन मितिबारे जानकारी दिएको हो ।
टिजरमा नायक रवीन्द्रसिंह बानियाँ र नायिका स्वस्तिमा खड्कालाई केन्द्र भागमा राखिएको छ ।
रवीन्द्रको पहिरनले फिल्म केही दशक पुरानो परिवेशमा बनेको महसुस हुन्छ ।
पारिवारिक रुपमा यौन पेसामा लागेको समुदाको कथा नायिका स्वस्तिामामार्फत् फिल्ममा देखाउन लागेको टिजरबाट बुझ्न सकिन्छ ।
नायिका खड्का यौन पेसामा संलग्न युवतीको भूमिकामा छिन् । बाल कलाकार समाइरा थापा उनको छोरीको भूमिकामा देखिएकी छन् ।
बर्दियाको राजापुरमा छायांकन गरिएका यस फिल्ममा स्वस्तिम, रवीन्द्रसिंसहित समाइरा थापा, मुकुन्दकुमार श्रेष्ठ, अभय बराल, आशा पौडेल, गोविन्द सुनार, आभाअर्याल, तारा शर्मा, रमेशवादी, सरस्वतीअधिकारी लगायतको अभिनय रहेको छ ।
निर्देशक यम थापाको कथा र निर्देशनमा यो फिल्म बनेको हो । निर्देशक थापा र अर्का निर्देशक प्रदीप भट्टराई मिलेर यो फिल्मको पटकथा र संवाद लेखेका हुन् ।
फिल्मको कार्यकारी निर्माता प्रदीप भट्टराई हुन् भने निर्माताहरु म्याक्स दीपेश खत्री र रविन्द्रसिंह बानियाँ हुन् ।
