श्रावण ३०, २०८३ / 2026-08-15
काठमाडौं– नेपाली कांग्रेसकी नेतृ शान्ति परियारले पार्टीमा देखिएको मनमुटाबलाई अन्त्य गर्नुपर्नेमा जोड दिएकी छन् ।
कांग्रेस केन्द्रीय कार्यसमितिको शुक्रबारको बैठकमा धारणा राख्ने क्रममा उनले पार्टीले जनतालाई दिन सक्ने दिशा निर्देशनमा एक भएर जानु पर्नेमा जोड दिइन् ।
‘हाम्रो पार्टीले जनतालाई दिन सक्ने दिशा निर्देशनमा हामी एक भएर जानु पर्छ,’ उनले भनिन्, ‘यो मनमुटाबका कुराहरू, आरोप–प्रत्यारोपका कुराहरूलाई हामीले अन्त्य गर्नुपर्छ ।’
कांग्रेस हरेक दृष्टिकोणले समावेशी पार्टी भएको भन्दै उनले सबै मिलेर कांग्रेसलाई बलियो बनाउनुपर्ने आवश्यकता औँल्याइन् ।
‘हाम्रो पार्टीमा सबै खाले नेताहरू पाइन्छन् । यहाँ सबै खालको समावेशिता छ,’ केन्द्रीय सदस्य परियारले भनिन्, ‘त्यस कारणले हामीले मिलेर कांग्रेसलाई बलियो बनाएर जानुपर्छ भन्ने मेरो धारणा छ ।’
