जेठ ६, २०८३ / 2026-05-20
जलेश्वर– महोत्तरी जिल्लाको सदरमुकाम जलेश्वर नगरपालिका–१ मा अवस्थित बाबा जलेश्वरनाथ महादेवको स्थापना ‘जलेश्वरो महालिङ्ग रुद्रेन स्थापित स्वयम्’ लेखिएको जलेश्वरनाथ महादेव मन्दिरमा महाशिवरात्रिको पूजाको लागि भव्य तयारी गरिएको छ ।
नेपालीहरूको आराध्यदेव महादेवले स्वयं गरेको यस महालिङ्गको पूजाअर्चना र दर्शनका लागि यस महाशिवरात्रिमा विशेष तयारी भइरहेको महाशिवरात्रि समितिका पूजा समारोह समितिका अध्यक्ष जितेन्द्र साहले बताए ।
जमिनको सतहदेखि १६ सिँढी (भर्याङ) मुनि २४ घण्टा जलभित्र विराजमान रहने बाबा जलेश्वरनाथ महादेवको पूजाअर्चना र दर्शनको लागि पूजा समितिले विशेष व्यवस्था मिलाएको छ ।
मन्दिरको प्राङ्गणमा रहेको महादेव, पार्वती, गणेश, हनुमानसहित अन्य सम्पूर्ण देवीदेवताको मन्दिर र सबै देवीदेवतालाई यस पटक विभिन्न रङले रङ्गरोगन गरिएको छ भने चारैतिर रङ्गीचङ्गी तोरन र सजावटका सरसामानहरू लगाइएको छ ।
