आश्विन २१, २०८३ / 2026-10-07
काठमाडौँ । काठमाडौँको तारकेश्वर नगरपालिका–८ स्थित जरङ्खु पुल नजिकै पिकअप भ्यानले मोटरसाइकल र स्कुटरलाई ठक्कर दिँदा २ जना घाइते भएका छन् । बा.२० च ३५८६ नम्बरको पानी बोकेको भ्यानले प्रदेश ३-०२००४ प ६५३३ नम्बरको मोटरसाइकल र बागमती प्रदेश ०२ ००१ ब ४५७३ नम्बरको स्कुटरलाई ठक्कर दिएको हो ।
दुर्घटनामा परेर मोटरसाइकल चालक सञ्जय पाण्डे र स्कुटर चालक राजकुमार लामा घाइते भएका छन् ।
राजकुमारको टाउको र अनुहारमा चोट लागेको छ । उनको ग्रान्डि अस्पतालमा उपचार भइरहेको जिल्ला प्रहरी परिसर काठमाडौँका एकजना अधिकृतले रातोपाटीलाई बताए ।
मोटरसाइकलको पछाडि बस्ने बिपना भण्डारीको अवस्था सामान्य छ ।
