भाद्र ५, २०८३ / 2026-08-21
काठमाडौं । पानी पार्ने मौसमी प्रणाली मनसुन सक्रिय हुँदा शनिबार देशभर वर्षा भएको छ । शुक्रबार रातिदेखि नै निरन्तरजसो वर्षा भएको मौसम पूर्वानुमान महाशाखाले जनाएको छ ।
पछिल्लो २४ घण्टामा कतिपय स्थानमा ‘अति भारी’ वर्षा समेत मापन गरिएको छ । यो अवधिमा काठमाडौंमा ‘धेरै भारी’ वर्षा भएको जल तथा मौसम विज्ञान विभागले जनाएको छ ।
आइतबार (भोलि) शनिबार (आज)कै जस्तो मौसम हुने अनुमान छ । आइतबार पनि देशभर वर्षा हुने महाशाखाले जानकारी दिएकाे छ ।
आइतबार पूर्व र मधेस प्रदेशको तुलनामा पश्चिम क्षेत्रमा भारी वर्षाको सम्भावना बढी रहेको उनले बताए । “यो सिजनमा पानी नपर्ने भन्ने त हुँदैन, पानी सबैतिर पर्छ । भारी वर्षाचाहिँ पूर्व र मधेस प्रदेशभन्दा पश्चिम क्षेत्रमा बढी हुने देखिन्छ ।
