भाद्र ३, २०८३ / 2026-08-19
काठमाडौं । भारतले भूकम्पपछिको पुनर्निर्माणका लागि नेपाललाई १० अर्ब रुपैयाँ आर्थिक सहायता उपलब्ध गराउने भएको छ ।
नेपाल भ्रमणमा रहेका भारतीय विदेशमन्त्री एस जयशंकरले बिहीबार सम्पन्न नेपाल–भारत संयुक्त आयोगको बैठकमा उक्त घोषणा गरेका हुन् ।
जाजरकोट भूकम्पपछिको पुनर्निर्माणमा उक्त रकम खर्च गर्न भारतले अनुदान सहयोगस्वरुप १० अर्ब रुपैयाँ नेपाललाई दिने घोषणा गरेको हो ।
“भूकम्पपछिको पुनर्निर्माणका लागि भारतले एक हजार करोड रुपैयाँ (१० अर्ब) नेपाललाई आर्थिक सहायता अनुदान स्वरुप उपलब्ध गर्ने सहमति भएको छ,” परराष्ट्र मन्त्रालयको प्रवक्ता अमृतबहादुर राईले जानकारी दिए ।
