'बच्चा र श्रीमती गुमाउन चाहन्न, म बाँच्न चाहन्छु, मलाई बचाउनुहोस्' : कलेजो पिडीत कुमार थामी

ललितपुर/कालिञ्चोक गाउँपालिका वडा नं. ६ स्थानीय ठेगाना भई हाल ललितपुर मंगलबजारको धौगलमा बसोबास गर्दै आइरहेका बर्ष ३९ का कुमार थामी कलेजो रोगबाट ग्रस्त भई जीवन र मृत्यको दोसाँधमा अस्पतालको सैय्यामा छटपटाइरहेका छन् । श्रीमती र दुई छोराका बाबु थामी अहिले बीर अस्पतालको बेडमा उपचारार्थ भर्ना भएका छन् ।

सानैमा बुबा आमा गुमाएका र सिमान्तकृत थामी जाती भएको र आर्थिक अवस्था अत्यन्तै दयनीय भएको हुँदा उनको उपचारमा थप समस्या देखिएको छ । डाक्टरका अनुसार तुरुन्तै कलेजो प्रत्यारोपण गर्नुपर्ने भएको हुँदा उनको उपचारमा ५०/६० लाखसम्म खर्च आउने देखिन्छ । बैकल्पिक उपचारका क्रममा धेरैचोटी भित्र नशामा स्टीच लगाइसकेको हुँदा शरीर शिथिल भएको हुँदा अब कलेजो प्रत्यारोपण एकमात्र विकल्प रहेको डाक्टरले सुझाएका छन् ।

तसर्थ उपचारमा खर्च अधिक देखिएको र विपन्नताका कारण खर्च जुटाउन हम्मे हम्मे देखिएकोले सर्वसाधारणसँग थामीले सहयोगको याचना गरेका छन् । दुई छोरा र एक श्रीमतीसँग खुशीयाली जिवन व्यतित गरिरहेका उनको स्वास्थ्यमा अकस्मात विकराल समस्या देखिएपछि उनी शारिरीक मानसिक रुपमा विक्षिप्त बनेका छन् । शरीरले केही काम गर्न सक्ने अवस्था नरहेको र घरको अर्थिक अवस्था दिनानुदिन जटिल बनिरहेको हुँदा उनको सबै हाँसो गुमेको छ । आफु निको भए श्रीमती र छोराहरु पाल्ने अझै आँट राख्छन् कुमार थामी ।

बेडकै सैय्याबाट उनले सम्पूर्ण समाजसेवी, संघसंस्था, अभियन्ता, पत्रकार र दयाप्रेमी साथीहरुसमक्ष गुहार लगाएका छन् । उनी भन्छन् -'म बाँच्न चाहन्छु मलाई बचाउनुहोस् । म परिवारलाई गुमाउन चाहन्न मलाई सहयोग गर्नुहास्' ।  थामीलाई सहयोग गर्न उनको आफ्नै नाममा रहेको बैंक खातामा पैसा प्रत्यक्ष डिपोजिट गर्न सकिनेछ भने ईसेवापत अनलाइनबाट पैसा पठाएर पनि उनको ज्यान बचाउन सकिनेछ ।

"मानव सेवा नै सबैभन्दा ठूलो धर्म हो"

राष्ट्रिय बाणिज्य बैंक लिमिटेड खाता नं. ११२०१०००२७५३६०१० (काउन्टर नं. ११२), कुमार थामी 

नबिल बैंक लिमिटेड खाता नं. ०२१००१७५४९७५८
ईसेवा नं. ९८४९२८९१३४ कुमार थामी