जेठ ५, २०८३ / 2026-05-19
काठमाडौं । विशेष अदालतले सर्लाहीका कुख्यात मिटरब्याजी श्याम परदेशीलाई रिहा गर्न आदेश दिएको छ । श्यामकृष्ण साह वास्तविक नाम भएका उनलाई श्रीकान्त पौडेल, सालिग्राम कोइराला र बलभद्र बास्तोलाको इजलासले ५ लाख रुपैयाँ धरौटी लिएर छोड्न आदेश दिएको हो ।
सम्पत्ति शुद्धीकरण विभागले मुद्दा दर्ता गरेपछि परदेशी अदालतमा हाजिर भएका थिए । त्यसपछि अदाललते थुनछेक आदेश सुनाएको हो ।
विभागले परदेशीविरुद्ध ३ करोड २० लाख ९२ हजार ६ सय ५८ र उनकी श्रीमती मञ्जु देवीविरुद्ध ६५ लाख ६५ हजार ३ सय ५५ रुपैयाँ बिगो दाबी गर्दै मुद्दा दर्ता गरेको थियो ।
विशेष अदालतको आदेशसँगै उनले ५ लाख धरौटीमै छुटकारा पाएका छन् ।
