पर्साका नाकाबाट तस्करी शुरू

बिरगंज  ।  पर्साका केही नाकाहरूबाट अहिले तस्करी धन्दा शुरू हुन थालेको छ । गुडगाई , टिउकी,  ड्राइपोर्ट र भिश्वा नाकाबाट  तस्करी धन्दा शुरू भएको  छ । गुडगाई  र  टिउकीबाट भारतीय धान ठूलो मात्रामा तस्करी भई नेपाल भित्री  रहेको छ भने सख्खरको तस्करी पनि भैरहेको छ । गुडगाई  र  टिउकी स्थित प्रहरी चौकीका असईहरू हरेन्द्र प्रसाद साह र राम उदगार महत्तोले तस्करीको लाइन दिएपछि यी नाकाहरूबाट धान र सख्खरको तस्करी धन्दा शुरू भएको हो  । यसैसाता मात्रै यी दुई चौकीका प्रमुखले तस्करीको लाइन दिएपछि सख्खरको तस्करी गरेका साहेव मियाँको सख्खर मधेस प्रदेश स्थित प्रहरीका डिआइजीले परिचालन गरेका घुमुवाले पक्राउ गरेका छन् । तर ती घुमुवाले पनि चार ट्याक्टर सख्खर पक्राउ गरेकोमा तीन ट्याक्टर मात्रै भन्सार बुझाएर एक ट्याक्टर रकम असुली छोडिदिएका छन्  । ती घुमुवाले रकम असुली छोडेको जानकारी प्रहरी महानिरीक्षकको सचिवालयमा पुगेको समेत थाहा भएको  छ ।

ड्राइपोर्टबाट पनि कपडाको तस्करी भैरहेको छ । बिबेक नाम गरेको तस्करलाई कपडा तस्करीको लाइन दिएको खुलेको हो  । यसैगरी भिश्वा नाकाबाट पनि तस्करी धन्दा चलेको छ । लड्डु नाम गरेका व्यापारीले भिश्वाबाट क्यारिङ गरेर सिक्टामा पप्पु यादव नाम गरेका भारतीयलाई तस्करीको सामान पुर्याउने गरेको समेत यहाँका स्थानीय व्यवसायी बताउँछन् । प्रहरी चौकीको पछाडि चमार गाउँ बाट २५ देखि ३० जना भरिया प्रयोग गरि लड्डुले क्यारिङ गर्ने गरेको समेत स्थानीयको भनाइ छ । यससम्बन्धमा जानकारी माग्दा जिल्ला प्रहरी कार्यालय पर्साका एसपी रमेशकुमार बस्नेतले तस्करी चलेको भए आफुले छानबिन