आश्विन ३०, २०८३ / 2026-10-16
काठमाण्डौ – मधेश प्रदेश सरकारबाट एमाले बाहिरिएकाे छ ।
सरकारमा सहभागी चार जना मन्त्रीले राजीनामा दिएसँगै एमाले मधेश प्रदेश सरकारबाट बाहिरिएकाे हाे ।
एमाले संसदीय दलको निर्देशनअनुसार श्रम तथा यातायातमन्त्री शारदादेवी थापा, खेलकुद तथा समाजकल्याणमन्त्री लखनदास, भौतिक पूर्वाधार विकासमन्त्री मोहम्मद समीर र शिक्षा तथा संस्कृतिमन्त्री मनोजकुमार सिंहले आज राजीनामा दिनुभएको छ ।
चारै जना मन्त्रीहरूले मुख्यमन्त्री कृष्णप्रसाद यादवलाई राजीनामा पत्र बुझाउनुभएको एमालेका प्रमुख सचेतक हरिनारायण महतोले जानकारी दिनुभयो ।
मधेश प्रदेशमा नेपाली कांग्रेस संसदीय दलका नेता कृष्णप्रसाद यादवको नेतृत्वमा कांग्रेस, एमाले र नेकपाको गठबन्धन सरकार छ ।
एमाले मधेश प्रदेश संसदीय दलका नेता सरोजकुमार यादवले सरकार गठनको क्रममा भएको सहमति सरकारले कार्यान्वयन नगरेकाले सरकारलाई दिएको समर्थन फिर्ता लिएको बताउनुभएको छ ।
