आषाढ ३०, २०८३ / 2026-07-14
काठमाडौं- सरकारका एकपछि अर्को काम विवादमा पर्दै गएपछि घेराबन्दीमा परेका प्रधानमन्त्री वालेन्द्र शाह मंगलबार संसद् बैठकमा सहभागी हुन गएका छन् ।
सभापति रवि लामिछानेसँग ५ मिनेट गोप्य छलफलपछि उनी मंगलबार संसद् बैठकमा भाग लिन पुगेका हुन् ।
गत चैत १३ गते प्रधानमन्त्रीमा नियुक्त भएयता निरन्तर संसद्लाई बेवास्ता गर्दै आएका उनी नागरिकस्तरबाट दबाब बढ्दै गएपछि वालेन्द्र उपस्थित भएका हुन् ।
उनको पछिपछि रास्वपा सभापति रवि लामिछाने पनि देखिए। उनीहरू संसद्मा आउँदा राष्ट्रिय प्रजातन्त्र पार्टीकी सांसद खुश्वु ओली बोलिरहेकी थिइन्।
उनी यसअघि सभापति लामिछानेको बूढानीलकण्ठस्थित घरमा पनि पुगेका थिए । जहाँ पुगेर उनले सरकारका कामको बचाउ गरेका थिए ।
तर आइतबार र सोमबार सरकारकै मान्छेको योजनामा न्यूरोड क्षेत्र र सञ्चारमाध्यमका कार्यालय अगाडि गाडी तेर्स्याउने कदमले चौतर्फी आलोचना भइरहँदा वालेन्द्र संसद् पुगेका हुन्।
