चैत्र २८, २०८२ / 2026-04-11
ललितपुरको लगनखेलस्थित कपडा गोदाममा आगलागी भएको थियो।
विद्युत् सर्ट भएर लागेको आगो दुई वटा दमकल प्रयोग गरी नियन्त्रणमा लिइयो।
आगलागीबाट करिब ६० लाख रुपैयाँ बराबरको क्षति भएको अनुमान छ।
काठमाडौँ । ललितपुर महानगरपालिका–१२ लगनखेल स्थित कपडा गोदाममा लागेको आगो नियन्त्रणमा आएको छ । इन्द्रकुमार शिल्पकारको घरको तेस्रो तलामा विजयकुमार शाहले भाडामा लिएर सञ्चालन गरेको कपडा गोदाममा आगो लागेको हो ।
विद्युत् सर्ट भएको आगलागी भएको र दुई वटा दमकल प्रयोग गरेर आगो निभाइएको ललितपुरका एसएसपी होबिन्द्र बोगटीले रातोपाटीलाई बताए ।
सो भवनमा बर्गर हाउस पनि सञ्चालन गरिएको छ । सोमबार बिहान लागेको आगो ९ बजे नियन्त्रणमा आएको हो । आगलागीबाट ६० लाख क्षति भएको आकलन गरिएको छ ।
