माघ ३०, २०८२ / 2026-02-13
काठमाडौं- भारतीय प्रधानमन्त्री नरेन्द्र मोदीले बंगलादेश नेशनलिस्ट पार्टी बीएनपीका नेता तारिक रहमानलाई बधाई दिएका छन् । बिहीबार भएको मतदानको नतिजा अनुसार बीएनपीले एकल सरकार बनाउन आवश्यक बहुमत प्राप्त गरेको दाबी गरेको छ ।
२ सय ९९ सदस्यीय संसदमा सरकार बनाउन कम्तीमा १५१ सिट आवश्यक पर्छ। स्थानीय सञ्चार माध्यमहरूका अनुसार बीएनपीले यो बहुमतको आँकडा पार गरिसकेको छ । अहिले उसले २०८ सीट जितिसकेको छ ।
बधाई सन्देश दिँदै मोदीले तारिकको नेतृत्वलाई बंगलादेशका जनताले विश्वास गरेको उल्लेख गरेका छन् ।
बधाई सन्देशमा प्रधानमन्त्री मोदीले भारत सदैव लोकतान्त्रिक, प्रगतिशील र समावेश बंगलादेशको पक्षमा उभिने पनि जनाएका छन् ।
प्रधानमन्त्री मोदीले द्विपक्षीय सम्बन्धलाई मजबुत बनाउन साथै साझा विकास लक्ष्य हासिल गर्न मिलेर काम गर्न तत्पर रहेको जनाएका छन् ।
