भाद्र ७, २०८३ / 2026-08-23
काठमाडौं- एक जना रुसी वरिष्ठ सैन्य अधिकारीमाथि गोली प्रहार भएको छ । रुसको राजधानी मस्कोमा रुसी सेनाका लेफ्टिनेन्ट जनरल भ्लादिमिर अलेक्सेयेभमाथि गोली प्रहार भएको हो ।
बन्धुकधारीले उनको शरीरमा धेरै पटक गोली प्रहार गरेको बीबीसीले जनाएको छ । गोली लागेर घाइते भएका लेफ्टिनेन्ट जनरल अलेक्सेयेभलाई अस्पताल लगिएको थियो ।
उनी रुसी सेनाको जनरल स्टाफका मुख्य निर्देशनालयका वरिष्ठ अधिकारी रहेको जनाइएको छ । चार वर्षदेखि रुसले युक्रेनमा सञ्चालन गर्दै आएको युद्धमा उनको महत्वपूर्ण भूमिका रहेको बीबीसीले उल्लेख गरेको छ ।
खासगरी सन् २०२२ मा मारिउपोल शहरको घेराबन्दीका क्रममा उनले वार्ताकारको भूमिका खेलेका थिए । त्यसबाहेक वाग्नर भाडाका सैन्य समूहका प्रमुख येभ्गेनी प्रिजोजिनसँगको वार्तामा पनि उनी सहभागी थिए ।
उनीमाथि गोली प्रहार गर्ने बन्दुकधारीको पहिचान हुन नसकेको र घटनाबारे अनुसन्धान जारी रहेको अधिकारीले जनाएका छन् ।
