आशिकाको जिकिर : भाइले झुक्किएर ईमेल पठाइदियो, उम्मेदवारी फिर्ता लिएकी छैन

काठमाडौं– धादिङबाट उम्मेदवारी दिएकी राष्ट्रिय स्वतन्त्र पार्टीको उम्मेदवार आशिका तामाङले उम्मेदवारी फिर्ता नलिएको उनको सचिवालयले जनाएको छ। 

आशिकाको सचिवालय सदस्य दिनेश रुपाखेतीका अनुसार उनले उम्मेदवारी फिर्ता नलिएको जानकारी गराइएको छ ।

रुपाखेतीका अनुसार अहिले आशिका धादिङमै चुनाव प्रचारप्रसारमा खटिएकी छन् । 

‘आशिका दिदीले उम्मेदवारी फिर्ता गर्नुभएको छैन उहाँले जर्मनबाट पीआर लिनुभएको पनि काहीँ प्रमाण छैन । उहाँमाथि मिडिया ट्रायल गरियो,’ दिनेशले खबरहबलाई भने, ‘उहाँले उम्मेदवारी फिर्ता लिने कुरा काहीँ पनि गरिनुभएको छैन र कसैले पनि फिर्ता लिनुपर्छ भन्नुभएको छैन ।’

दिनेशले जर्मनबाट पीआर लिएको कुरा पुष्टि गरेर देखाउन समेत अरूलाई आग्रह गरेका छन् ।

उता आशिका आफैं पनि गल्छीस्थित निर्वाचन अधिकृतको कार्यालय पुगेर स्पष्टीकरण दिएकी छन् । उनले अधिकृतको कार्यालयमा पुगेर भाइले झुक्किएर उम्मेदवारी फिर्ता लिएको ईमेल पठाइदिएको दाबी गरेकी छन् ।