श्रावण ३०, २०८३ / 2026-08-15
काठमाडौं– एमाले उपाध्यक्ष द्वय अष्टलक्ष्मी शाक्य र युवराज ज्ञवालीले पार्टीको ११औँ महाधिवेशनसँगै पार्टीको जिम्मेवारीबाट बाहिरिने घोषणा गरेका छन् ।
पार्टीको महाधिवेशनको बन्दशत्र अगाडि बसेको केन्द्रीय समितिको बैठकमा आफ्नो धारणा राख्दै उनीहरूले अब पार्टीको पदीय जिम्मेवारीका लागि उम्मेदवारी नदिने र बाहिरिने घोषणा गरेको पार्टीका प्रचार विभाग प्रमुख राजेन्द्र गौतमले बताएका हुन् ।
शाक्य र ज्ञवाली पार्टीको १०औँ महाधिवेशनबाट उपाध्यक्ष पदमा निर्वाचित भएर काम गर्दै आएका थिए ।
तर, महाधिवेशनमा भएको ध्रुवीकरणको क्रममा उनीहरूले ईश्वर पोखरेलको पक्षमा लागेर भूमिका निर्वाह गरिरहेका थिए ।
ज्ञवाली र शाक्य नेपाली कम्युनिष्ट आन्दोलनमा ५ दशक बढी समयदेखि योगदान गर्दै आएका व्यक्ति हुन् ।
