भाद्र २, २०८३ / 2026-08-18
काठमाडौं – जेन–जी आन्दोलनको कारण प्रदर्शन स्थगित भएको फिल्म ‘अभिमन्यु’ असोज १३ गते फूलपातीबाट हलमा लाग्ने भएको छ । निर्माण पक्षले सोमबार फिल्मको नयाँ प्रदर्शन मिति सार्वजनिक गरिएको हो ।
नायक कामेश्वर चौरासिया, नायिकाहरु लक्ष्मी बर्देवा, सरिता गिरी र गौमाया गुरुङ शीर्ष भूमिकामा रहेको ‘अभिमन्यु’को प्रदर्शन मिति पहिला भदौ २७ लाई तय गरिएको थियो ।
भदौ २३ र २४ मा जेन–जी आन्दोलनका कारण हल बन्द हुँदा यो फिल्मको प्रदर्शन प्रभावित भएको थियो ।
अब भने फूलपातीमा चार फिल्मले बक्स अफिस प्रतिस्पर्धा गर्ने भएका छन् । यसअघि नै तीन फिल्म ‘बलिदान’, ‘माइतीघर’ र ‘हरिबहादुरको जुत्ता’को प्रदर्शन मिति फूलपातीलाई तोकिएको थियो ।
यी तीन फिल्मका निर्माताहरु पूर्वनिर्धारित मितिमै प्रदर्शनमा ल्याउने अडानमा छन् ।
यो पनि : ‘बलिदान’, ‘माइतीघर’ र ‘हरिबहादुरको जुत्ता’ दशैँमै प्रदर्शनमा ल्याइने
