भाद्र १, २०८३ / 2026-08-17
काठमाडौं, नागार्जुन नगरपालिका-४ बाफल बस्ने ६० वर्षीय राजेन्द्र उदासले सोही ठाउँमा संचालन गरेको ट्रफी, मेडल र स्टिकर गोदाममा आइतबार बिहान आगलागी हुँदा करिब १ करोड रूपैयाँ बराबरको धनमाल जलेर नष्ट भएको छ ।
बारा, सुवर्ण गाउँपालिका-८ पर्सुरामपुर टोल बस्ने शेख अलाउदिनको घरमा शनिबार दिउँसो आगलागी हुँदा करिब १ लाख २३ हजार रूपैयाँ बराबरको धनमाल जलेर नष्ट भएको छ ।
कञ्चनपुर, भिमदत्त नगरपालिका-१० शुकासाल बस्ने महेश लुहारले संचालन गरेको पसलमा शनिबार राति आगलागी हुँदा करिब १ लाख २० हजार रूपैयाँ बराबरको धनमाल जलेर नष्ट भएको छ । प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
