भाद्र ६, २०८३ / 2026-08-22
काठमाण्डाै – काठमाण्डाैकाे गौशालामा आठ वटा गाडी एकापसमा ठोक्किएर दुर्घटना भएको छ । गौशालाबाट तिलगङ्गातर्फ गुडिरहेको बा ५ ख ६७३५ नम्बरको यात्रुवाहक बस अनियन्त्रित हुँदा एउटा माइक्रोबस, तीन वटा कार, दुई वटा मोटरसाइकल र एउटा स्कुटर आपसमा ठोक्किएका जिल्ला प्रहरी परिसर काठमाण्डौले जनाएको छ ।
आज बिहान ११ बजेतिर दुर्घटना भएको हो । दुर्घटनामा धादिङकाे ज्वालामुखी गाउँपालिका–१ घर भई अहिले काठमाण्डाैको टोखा बस्ने राजकुमार श्रेष्ठ, नुवाकोटकाे तादी गाँउपालिका–२ घर भई टोखा बस्ने विकास कट्टेल र खोटाङको हलेसी घर भई कोटेश्वर बस्ने शैलेन्द्र राई घाइते भएका छन् ।
घाइतेहरूको केएमसी अस्पतालमा उपचार भइरहेको छ ।
