भाद्र ७, २०८३ / 2026-08-23
काठमाडौं, १२ वैशाख । मोरङ, सुनबर्षी नगरपालिका-६ बालुवाबारी टोल बस्ने शिव नारायण मेहताको घरमा विद्युत सर्ट भई गए राति आगलागी हुँदा घर पूर्णरूपमा जलेर करिब ७ लाख रूपैयाँ बराबरको धनमाल नष्ट भएको छ ।
कैलाली, धनगढी उपमहानगरपालिका-१३ राना टोल बस्ने पार्वती देवी जोशीको घरको आगनमा पार्किङ गरी चार्जमा राखेको सु.प.प्र.०१-०१२ प ३८०५ नम्बरको ईलेक्ट्रिक स्कुटरमा विद्युत सर्ट भई शुक्रबार बिहान आगलागी हुँदा स्कुटर पूर्णरूपमा जलेर करिब २ लाख ७५ हजार रूपैयाँ बराबरको धनमाल नष्ट भएको छ ।
प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
