जेठ ६, २०८३ / 2026-05-20
काठमाडौं – नृत्यबाट चर्चा कमाएकी तेरिया मगरले फिल्ममा डेब्यू गर्ने पक्का भएको छ । उनले फिल्म ‘मितज्यू’का लागि कागजी सम्झौता गरेकी हुन् ।
अनिल बूढा मगरको निर्देशन रहने यस फिल्ममा अभिनेता दयाहाङ राई पनि अनुबन्ध भएका छन् । उनीहरू दुवैले कागजी सम्झौता गरिसेको निर्माण पक्षले जनाएको छ ।
तेरिया विगत केही समयदेखि फिल्ममा अभिनय गर्ने इच्छा देखाउँदै आएकी थिइन् । अन्ततः उनको फिल्ममा आउने सपना पूरा भएको छ । अहिलेको चल्तीका स्टार दयाहाङको अभिनय रहने फिल्मबाटै डेब्यू गर्न पाउने उनको लागि सुखद पक्ष हो ।
फिल्ममा तेरिया अभिनेता दयाहाङको जोडी भूमिका देखिने हुन् वा होइनन् भन्ने बारे निर्माण पक्षले खुलाएको छैन ।
