भाद्र ५, २०८३ / 2026-08-21
काठमाडौं– गृहमन्त्री रमेश लेखकले भूकम्पपछिको क्षति आँकलन, पुनः निर्माण र पुनः स्थापनालाई तीव्रता दिइएको बताएका छन् ।
सिंहदरबारमा आज बसेको विपद् जोखिम न्यूनीकरण तथा व्यवस्थापन कार्यकारी समितिको २९औँ बैठकमा गृहमन्त्री लेखकले जाजरकोट, डोटी र बझाङमा भूकम्पपछिको क्षतिको आँकलन, पुनः निर्माण र पुनः स्थापनालाई सरकारले तीव्र रूपमा अघि बढाएको जानकारी दिए।
भूकम्पपछिको पुनः निर्माण एवं पुनर्स्थापनाका लागि जाजरकोट, डोटी र बझाङमा पुनर्निर्माण तथा पुनः स्थापना आयोजना कार्यान्वयन इकाईको कार्यालय उद्घाटन गर्ने तयारी गरिएको उनले जानकारी दिए।
