दुई भेरिएन्टमा आयो एवोन भी, यस्तो छ मूल्य र विशेषता

काठमाडौं– जिएसी एवोनको नेपालका लागि आधिकारिक वितरक सीजी मोटर्सले नयाँ ईभी मोडल ‘एवोन भी’ सार्वजनिक गरेको छ । मंगलबार एक कार्यक्रम आयोजना गर्दै कम्पनीले यो नयाँ ईलेक्ट्रिक एसयुभी सार्वजनिक गरेको हो ।

एवोन भी एलिट र लक्जरी गरी दुई भेरिएन्टमा आएको हो । जसको मूल्य क्रमशः ६४ लाख ९९ हजार र ६९ लाख ९९ हजार निर्धारण गरिएको छ । यस नयाँ कारको एलिट भेरियन्टमा ६२.७ किलोवाट आवरको र लक्जरी भेरिएन्टमा ७५.३ किलोवाट आवर क्षमताको ब्याट्री प्याक जडान गरिएको छ । दुबै भेरिएन्टमा नयाँ विशेषतायुक्त म्यागेजिन ब्याट्री जाडन गरिएको हो ।जसको रेन्ज भने क्रमशः ५२० किलोमिटरको र ६५० किलोमिटर दाबी गरिएको छ ।