अमेरिकाद्वारा हवाई हमला, काबुल विस्फोटका मुख्य योजनाकार मारिएको दाबी

खोजतलास

२०७८ भाद्र २३ बुधवार

15.5k Shares

अमेरिकाले अफगानिस्तानमा आईएसआईएसलाई लक्ष्य गरी हवाई हमला गरेको छ ।

हमलामा १७० जनाको ज्यान जानेगरी बिहीबार काबुलको विमानस्थलमा बम विस्फोट गराउने मुख्य योजनाकार मारिएको अमेरिकी रक्षा विभागका प्रवक्ता क्याप्टेन बिल अरबनले दाबी गरेका छन् ।

ड्राेन हमलामा अन्य सर्वसाधारण नागरिकलाई भने केही नभएको अमेरिकाले जनाएकाे छ। अहिलेसम्म यसभन्दा थप विवरण दिइएको छैन ।

यसअघि अमेरिकाका राष्ट्रपति जो बाइडेनले विस्फोट गराउनेलाई खोजीखोजी मार्ने चेतावनी दिएका थिए ।

यसैबीच काबुलस्थित अमेरिकी दूतावासले हमिद कारजाई अन्तर्राष्ट्रिय विमानस्थलमा अझै सुरक्षा खतरा रहेको बताउँदै आफ्ना नागरिकलाई सुरक्षित रहन आग्रह गरेको छ ।