भाद्र ४, २०८३ / 2026-08-20
काठमाडाैँ । रोमानियाको राष्ट्रपति निर्वाचनको पहिलो चरणमा रुस समर्थक चरमपन्थी उम्मेदवार क्यालिन जर्जेस्कुले अग्रता लिएका छन् ।
प्रारम्भिक नतिजाअनुसार ९६ प्रतिशत मत गणना भइसकेको छ भने जर्जेस्कुले २२ प्रतिशत मत प्राप्त गरेको त्यहाँका स्थानीय सञ्चारमाध्यमले जनाएका छन् ।
युरोप समर्थक मानिने प्रधानमन्त्री मार्सेल चियोलाकुले २० प्रतिशत मत प्राप्त गर्दै दोस्रो स्थानमा छन् ।
जर्जेस्कुले आफ्नो अभियान टिकटकमा चलाएका थिए । जर्जेस्कु र चियोलाकु दुवैले ८ डिसेम्बरमा हुने दोस्रो चरणको चुनावमा प्रतिस्पर्धा गर्ने सम्भावना देखिएको छ ।
रुस समर्थक मानिने जर्जेस्कुले चुनावी अभियानका क्रममा रोमानियालाई यूरोपीय संघ र नाटोबाट हटाउने प्रतिज्ञा गरेका थिए ।
रोमानियामा युरोपेली संघका सबैभन्दा बढी गरिबीको जोखिम भएका व्यक्तिहरू बसोबास गर्छन् ।
चुनावको अन्तिम परिणाम राजधानी बुचारेस्ट र विदेशी मतदाता रहेका क्षेत्रको गणनापछि घोषणा हुने बताइएको छ ।
