सामुदायिक लघुवित्त र बीपीडब्लूले फागुन २४ गतेदेखि एकीकृत कारोबार सुरु गर्ने

खोजतलास

२०८० फाल्गुण १५ मंगलवार

16.7k Shares

काठमाडौँ । सामुदायिक लघुवित्त वित्तीय संस्था लिमिटेड र बीपीडब्लु लघुवित्त वित्तीय संस्था लिमिटेडले आगामी फागुन २४ गतेदेखि एकीकृत कारोबार सुरु गर्ने भएका छन् ।

दुई कम्पनीको प्रस्ताव बीपीडब्लू लघुवित्त सामुदायिक लघुवित्तमा गाभिने (एक्विजिसन) मा जाने गरी केन्द्रीय बैंकसँग माग गरिएकोमा बैंकले अन्तिम स्वीकृति दिएको हो ।दुई कम्पनी एक भए पश्चात् ‘सामुदायिक लघुवित्त वित्तीय संस्था लिमिटेड’ को नामबाट सञ्चालन गरी २०८० फागुन २४ गतेदेखि एकीकृत कारोबारमा जाने भएका हुन् ।

बैंक तथा वित्तीय संस्था एक आपसमा गाभ्ने/गाभिने (मर्जर) तथा प्राप्ति (एक्विजिसन) सम्बन्धी विनियमावली, २०७३ (पाँचौँ संशोधन, २०७९)’ को विनियम ११ को उप–विनियम (७) बमोजिम दुई संस्था मर्जरमा जान लागेको राष्ट्र बैंकले जानकारी दिएको छ ।