रुसी राष्ट्रपति भ्लादिमिर पुटिनका आलोचक एलेक्सेइ नभाल्नीको मृत्यु

काठमाडौं- रुसी राष्ट्रपति भ्लादिमिर पुटिनका आलोचक एलेक्सेइ नभाल्नीको मृत्यु भएको छ । रुसी कारागार सेवाले नभाल्नीको मृत्यु भएको पुष्टि गरेको हो । उक्त कारागारमा नाभाल्नीले १९ वर्षको सजाय काटिरहेका थिए ।

रुसको दुर्गम आर्कटिक वृत्तमा रहेको एउटा दण्ड शिविरमा शुक्रबार नभाल्नी अचेत भएका थिए । त्यसलगत्तै ४७ वर्षीय नभाल्नीको मृत्यु भएको रुसी अधिकारीलाई उद्धृत गर्दै रोयटर्सले जनाएको छ ।

राजधानी मस्कोभन्दा १९ हजार किलोमिटर उत्तर पूर्वमा यमालो नेनेट्स स्वशासित जिल्लास्थित खार्प सहरमा रहेको आईके ३ दण्ड शिविरमा राखिएको थियो । शुक्रबार हिँड्दै गर्दा उनी बेहोस भएको संघीय कारागार सेवाले जनाएको छ ।