महोत्तरी प्रमुख सीमा नाका सम्सीबाट गाईगोरुको तस्करी

महोत्तरी । महोत्तरी जिल्लाको प्रमुख सीमा नाका सम्सीबाट गाईगोरुको तस्करी व्यापक मात्रामा भईरहेको छ । केही समय सुस्ताएको तस्करी हालैका दिनबाट फस्टाउन शुरु भएको हो । तस्करीका बदनाम यो नाकाबाट सटिङसुटिङका महंगा कपडा, सारी, कुर्ताका साथै किराना आईटमको पनि तस्करी भईरहेको स्थानीयहरु बताउँछन् । गाईगोरुको मुख्य तस्करीमा समिरूल मियाँ र नेयाज अन्सारी संलग्न रहेका छन् । त्यस्तै कपडाको तस्करी आशा सिंह र बालाजी साहले गर्ने गरेका छन् । किराना आईटमको काम जय महतोले गर्दै आएका छन् । महोत्तरी जिल्लाको सम्सी बीओपी प्रमुखमा प्रहरी निरीक्षक जयराम बस्नेत रहेका छन् । यो सीमावर्ती नाकामा सशस्त्र प्रहरीले लाइन दिएको छ ।

बीओपी प्रमुख बस्नेतले तस्करलाई लाइन दिएवापत मोटो रकम असुल्ने गर्दै आएका छन् । यही साता मात्र सशस्त्र बीओपीले दिएको लाइनमा ४० गाईगोरु भारत तर्फ लैजादै गर्दा नेपाल प्रहरीले पक्राउ गरी भन्सार बुझाएको छ ।