विदेश तालिममा पनि यसरी शक्तिको दुरुपयोग

काठमाडौं । अन्तरदेशीय अपराध नियन्त्रणका लागि प्रहरीको अन्तर्राष्ट्रिय संगठन इन्टरपोलले थाइल्याण्डको राजधानी बैंककमा यो साता वन्यजन्तु अपराध नियन्त्रणसम्बन्धि एक तालिम गर्दैछ । जसमा नेपाल प्रहरीबाट वन्यजन्तु अपराधको विषयमा शून्य ज्ञान भएका व्यक्तिलाई पठाइएको छ । प्रहरी प्रधान कार्यालयले मानव बेचबिखन अनुसन्धान ब्यूरोमा कार्यरत एसपी दानबहादुर मल्ललाई सो तालिममा पठाएको विषयमा प्रहरी अधिकारीले आश्चर्य व्यक्त गरेका छन् । मानव बेचबिखनसम्बन्धि ब्यूरोका अधिकारी कसरी वन्यजन्तुसम्बन्धि अपराध नियन्त्रणको गोष्ठिमा पुगे ? यसले प्रहरीमा कुन हदसम्म बेथिती छ भन्ने देखाएको छ ।केन्द्रीय अनुसन्धान ब्यूरोमा वन्यजन्तु अपराध नियन्त्रणमा वर्षाैदेखि काम गर्दै आएका अधिकृतहरूको छुट्टै पिलर नै छ । डिएसपीको नेतृत्वमा यस्तो पिलरले अन्तरदेशीय अपराधको समेत विश्लेषण र अनुसन्धान गर्दै आएको छ । तर, विदेश तालिममा यो पिलरका प्रहरी स्वभाविक दाबेदार थिए । यसबारे कहिल्यै अनुसन्धान नगरेका एसपी मल्ललाई पठाइएको छ । अझ एसपी मल्ल एक समय गैंडाको खाग कारोबारीसँगको निकटताका कारण विवादमा आएका अधिकृत हुन् ।माओवादी अध्यक्ष प्रचण्डका पिएसओ बसेका आधारमा उनले सधैं फाइदा लिदै आएका छन् । विदेश तालिममा पनि यसरी शक्तिको दुरुपयोग गर्न थालेको आरोप उनीमाथि लाग्न थालेको छ । यसले प्रहरी महानिरीक्षक धिरजप्रताप सिंह तथा सिआइबीका एआइजी उत्तमराज सुवेदीमाथि समेत नैतिक प्रश्न उठेको छ ।

यो त एउटा उदारण मात्र हो । प्रहरीको विदेश तालिममा सधैं चलखेल हुँदै आएको छ । सम्बन्धित क्षेत्रमा काम गरेका अधिकृतले विरलै अवसर पाउँछन् । विदेश तालिममा उपयुक्त व्यक्ति चयन गर्ने भन्दा पनि विदेश घुम्ने अवसरका रुपमा पठाउने गरिएको छ । सम्बन्धित क्षेत्रमा विज्ञता नभएका व्यक्ति यसरी अन्तर्राष्ट्रिय कार्यक्रममा जाँदा एकातर्फ नेपाल