डायनामिक साकोसको १८ औं बार्षिक साधारणसभा तथा पाँचौं अधिवेशन सम्पन्न

दिनेश महर्जन
डायनामिक बचत तथा ऋण सहकारी संस्था लिमिटेड पुल्चोक ललितपुरको १८ औं वार्षिक साधारण सभा तथा पाँचौं अधिवेशन २०८३ साल असोस ३ गते शनिबार सम्पन्न भयो । संस्थाका अध्यक्ष पुष्प प्रसाद श्रेष्ठले स्वागत मन्तव्य दिएका थिए । 
आर्थिक वर्ष २०८२÷०८३ को बार्षिक प्रतिवेदन तथा आर्थिक वर्ष २०८३÷०८४ को लागि प्रस्तावित कार्य योजना, आर्थिक वर्ष ०८२÷०८३ को आर्थिक प्रतिवेदन तथा आर्थिक वर्ष ०८३÷८४ को अनुमानित आयव्यय विवरण, लेखा सुपरीवेक्षण समितिको आर्थिक वर्ष २०८२÷०८३ को प्रतिवेदन संस्थाका सचिव नरेन्द्र शाक्य र लेखा सुपरीवेक्षण समितिका संयोजक शंकर प्रसाद श्रेष्ठले प्रस्तुत गरेका थिए । प्रस्तुत प्रतिवेदनहरुका साथै सो साधारण सभामा विषयगत अध्यक्ष राजेन्द्र शाक्य तथा सदस्य सुरेन्द्र शाक्यले आ—आफ्नो धारणाल राखेका थिए । 
साथै, संस्थाको १८ औं बार्षिक साधारण सभाका सभापति एवम् सञ्चालक समितिका अध्यक्ष पुष्पप्रसाद श्रेष्ठले देशमा बचत तथा ऋणको मुख्य कारोबार गर्ने सहकारी संस्थाहरुको वर्तमान अवस्था र यस डायनामिक साकोसको भावी रणनीति तथा कार्य योजना बारे प्रकाश पारेका थिए । साथै, यस संस्था वागमती प्रदेश वचत तथा ऋण सहकारी संस्था लिमिटेड (बागमती प्रोस्कुन) ले संचालन गरेको COSIS (Cooperatives Self-regulation program for Organizational Sustainability and Institunalized Services)  ‘कोशिस’ कार्यक्रममा आवद्ध भई संस्था संचालनको लागि प्राप्त स्वःनियमहरुको अवलम्बन गरिरहेको जानकारी गराएका थिए ।
यस १८ औं बार्षिक साधारण सभा तथा पाँचौं अधिवेशनमा संचालक समिति तथा लेखा सुपरीवेक्षण समितिका नयाँ पदाधिकारी एवम् सदस्यहरु निर्विरोध निर्वाचित भएका छन् । सात सदस्यीय संचालक समितिमा पुष्प प्रसाद श्रेष्ठ, रवि शंकर श्रेष्ठ, शंकर प्रसाद श्रेष्ठ, यशोदा श्रेष्ठ क्रमशः अध्यक्ष, उपाध्यक्ष, सचिव तथा कोषाध्यक्ष र सदस्यहरुमा नरेन्द्र शाक्य, शिव श्रेष्ठ, निर्मल कुमार बराल, रेखा श्रेष्ठ र विशाल शाक्य निर्विरोध निर्वाचित भएका छन् ।