गोरखाको १२ किलोमा पहिरो: पेट्रोल पम्पमा क्षति

खोजतलास

२०८३ श्रावण २१ बिहिवार

819 Shares

गोरखा – लगातारको वर्षाका कारण आज बिहान गएको पहिरोले गोरखा नगरपालिका–११ स्थित १२ किलोमा रहेको गोरखकाली फ्युल सेन्टरमा क्षति पुर्‍याएको छ।

माथिबाट खसेको पहिरो र माटोको ढिस्कोले फ्युल सेन्टरको संरचनामा क्षति पुगेको हो। बिहानपख एक्कासि पहिरो खसेकाले पम्प परिसरमा रहेका भौतिक संरचना र इन्धन भण्डारण क्षेत्र जोखिममा परेका छन्।

घटनालगत्तै स्थानीय, प्रहरी र उद्धार टोली नियन्त्रण तथा थप क्षति हुन नदिन परिचालन भएका छन्।

घटनाको विस्तृत विवरण र क्षतिको पूर्ण मूल्यांकन हुन बाँकी छ।