रवि छुट्ने भएपछि निकिता लेख्छिन् – बेइमानको रजगजमा नखाएको विष लाग्ने रहेछ

काठमाडौं – राष्ट्रिय स्वतन्त्र पार्टी (रास्वपा) सभापति रवि लामिछाने रिहा हुने भएपछि पत्नी निकिता पौडेलले उनी राजनीतिक प्रतिशोधको सिकार भएको बताएकी छन् । रवि राजनीतिमा नगएको भए यो अवस्था नआउने भन्दै उनले यस्तो बताएकी हुन् । पत्नी पौडेलले यो बिचमा धेरै दुःख खेपेको भन्दै बेइमानको रजगजमा नखाएको विष लागेको बताएकी छन्।

उनले फेसबुकमा लेखेकी छन्, ‘बेइमानीहरूको रजगजमा नखाएको विष पनि लाग्दो रहेछ। केही समय लाग्यो। अघिल्लो वर्षको कात्तिकदेखि अहिलेसम्म के–के खेपियो’खेपियो, बताएर साध्य छैन। ऊ राजनीतिमै नआएको भए यसरी प्रतिशोधको सिकार हुनुपर्ने नै थिएन। तर, बढ्दो जनविश्वास कमजोर बनाउन र व्यक्तिगत दुस्ख(हैरानी दिन लेखिएको कथाको एक अध्याय आजको आदेशसँगै सकिएको छ।’

सहकारी ठगीमा जेल परेका लामिछाने उच्च अदालत बुटवलको बिहीबारको आदेशअनुसार शुक्रबार रिहा हुँदैछन् ।