बैशाख १४, २०८३ / 2026-04-27
पाकिस्तानको राष्ट्रिय क्रिकेट टिमका पूर्वकप्तान तथा अलराउण्डर मोहम्मद हाफिजले अन्तर्राष्ट्रिय क्रिकेटबाट सन्यास लिएको घोषणा गरेका छन् । उनको १८ वर्षको करियरको अन्त्य भएको छ ।
हाफिजले ३२ खेलमा पाकिस्तानका कप्तानी गरेका थिए । उनले पाकिस्तानका लागि ५५ टेस्ट, २१८ एकदिवसीय र ११९ ट्वेन्टी–ट्वेन्टी क्रिकेट खेलेका छन् ।
पाकिस्तान क्रिकेट बोर्डले जारी गरेको वक्तव्यमा मोहम्मद हाफिजले भनेका छन्, ‘मैले आज गर्व र सन्तुष्टिका साथ अन्तर्राष्ट्रिय क्रिकेटबाट बिदा लिँदैछु । मैले आशा गरे भन्दा धेरै उपलब्धि हासिल गरेँ । मेरो खेल जीवनमा सहयोग गर्ने साथी खेलाडी, कप्तान, सहयोगी कर्मचारी र पाकिस्तान क्रिकेट बोर्डलाई धन्यवाद दिन चाहन्छु ।’
