भाद्र २, २०८३ / 2026-08-18
काठमाडौं – हिट फिल्म ‘कबड्डी’को पाँचौ श्रृङ्खला ‘कबड्डी ५ : आफ्टर द फाइनल म्याच’को छायाङ्कन मुस्ताङबाट सुरु भएको छ ।
निर्देशक रामबाबु गुरुङले मंगलबारदेखि फिल्मको छायाङ्कन सुरु गरेका हुन् ।
यसपटक शीर्ष कलाकारमा नायक–नायिका थप गरिएको छ । नायक विपीन कार्की र नायिकामा सिर्जना गुरुङको प्रवेश भएको हो । सिर्जना मिस यूके नेपाल २०१७ हुन् ।
अघिल्ला श्रृङ्खलाका शीर्ष कलाकार नायक दयाहाङ राई, विजय बराल, बुद्धि तामाङमा पनि दोहोरिएका छन् ।
‘कबड्डी ४’की नायिका मिरुना मगर पनि दोहोरिएकी छन् ।
विपीन बाहेक सबै शीर्ष छायाङ्कनस्थलमा पुगेको फिल्मका कलाकार विजय बरालले जानकारी दिए ।
उनका अनुसार विपीन तिहारपछि मात्रै छायाङ्कनमा सहभागी हुनेछन् । यस फिल्मको निर्मातासमेत रामबाबु नै हुन् ।
