जेठ ३, २०८३ / 2026-05-17
काठमाडौं– सत्तारूढ नेकपा एमालेका सांसद सूर्यप्रसाद ढकालले १८ वर्षअघि मुक्त कमैया परिवारले पाएको जग्गाधनी पुर्जा (लालपुर्जा)लाई अन्य नेपाली नागरिक सरह उपभोग गर्न पाउने व्यवस्था मिलाउनु पर्ने बताएका छन् ।
प्रतिनिधिसभाको बुधबारको बैठकको शून्य समयमा बोल्दै उनले मुक्त कमैया परिवारले प्राप्त गरेको लालपुर्जामाथि लगाइएको बन्देज फुकुवा गरेर आम नेपाली सरह उपभोग गर्न पाउने व्यवस्था मिलाउनुपर्ने बताएका हुन् ।
बाँके–१ का सांसद ढकालको भनाइ जस्ताको त्यस्तै–
छोरा र नातिले हामी गरिब र मुक्त कमैया भएकै कारणले राज्यले विभेद गरिरहेको छ भनिरहेका छन् । राज्यले विभेद गर्न पाइँदैन । त्यसकारण आजभन्दा १८ वर्ष अगाडि मुक्त कमैयाहरूले प्राप्त गरेको लालपुर्जा अरू नेपालीले सरह उपभोग गर्न पाउने व्यवस्था मिलाउन म सभामुखमार्फत् नेपाल सरकारको ध्यानाकर्षण गराउन चाहन्छु ।
सरकारले विभिन्न समयमा मुक्त कमैयाहरूलाई आयोगहरूमार्फत जग्गाधनी लालपुर्जा उपलब्ध गराएको थियो । उपलब्ध गराएको लालजुर्पामा लेखिएको छ– उक्त जग्गा १० वर्षसम्म बिक्रीवितरण, अंशबण्डा, बैंकिङ कारोबार गर्न पाइने छैन ।
कुनै लालपुर्जामा वर्ष तोकिएको छैन । उक्त लालपुर्जा प्राप्त गरेको आज १८ वर्षभन्दा बढी भइसकेको छ । १८ वर्षमा सोभ, जीवनशैली, पारिवारिक स्थिति र चेतनामा धेरै परिवर्तन आइसकेको छ ।
उमेर पुगेको कारणले कतिका बुवा र आमाको मृत्यु भइसकेको अवस्था छ । छोराछोरीको विवाह भएर नाती–नातिना जन्मिसकेका छन् । तर, बाबुको नाममा भएको जग्गा नामसारी, अंशबण्डा र बैंकमा धितो राखेर कारोबार गर्न पाइँदैन ।
छोरा र नातीले हामी गरिब र मुक्त कमैया भएकै कारणले राजयले विभेद गरिरहेको छ भनिरहेका छन् । राज्यले विभेद गर्न पाइँदैन । त्यसकारण आजभन्दा १८ वर्ष अगाडि मुक्त कमैयाहरूले प्राप्त गरेको लालपुर्जा अरू नेपालीले सरह उपभोग गर्न पाउने व्यवस्था मिलाउन म सभामुखमार्फत् नेपाल सरकारको ध्यानाकर्षण गराउन चाहन्छु ।
