जेठ ६, २०८३ / 2026-05-20
काठमाडौं– विकास बैंकहरुको प्रमुख कार्यकारी अधिकृत (सिइओ) हरूको छाता संगठन डेभलपमेण्ट बैंकर्स एशोसिएसन नेपाल (डिबान) को अध्यक्षमा सांग्रिला डेभलपमेण्ट बैंकका सिइओ सुयोग श्रेष्ठ पुनः अध्यक्षमा चयन भएका छन् ।
पोखरामा बिहीबार आयोजना भएको डिबानको १९ औँ वार्षिक साधारणसभाबाट श्रेष्ठ पुनः अध्यक्षमा चयन भएका छन् ।
डिबानको उपाध्यक्षमा कामना सेवा विकास बैंकका दिनेश थकाली, सचिवमा गरिमा विकास बैंकका माधवप्रसाद उपाध्यक्ष र कोषाध्यक्षमा ज्योति विकास बैंकका कपिल ढकाल चयन भएका छन् ।
साथै, सदस्यहरुमा लुम्बिनी विकास बैंकको नरेशसिंह बोहरा, साइन रेसुंगा डेभलपमेन्ट बैंकका प्रकाश पौडेल, महालक्ष्मी विकास बैंकको दीपेश लम्साल, ग्रीन डेभलपमेन्ट बैंकको हरिबहादुर बुढाथोकी र सप्तकोशी डेभलपमेन्ट बैंकका दिनेश पोखरेल चयन भएका छन् ।
