जेठ ५, २०८३ / 2026-05-19
पोखरा– यस वर्षको एसईई परीक्षामा गण्डकी प्रदेशबाट ४५ हजार ७ सय ९६ परीक्षार्थी सहभागी हुँदै छन् । शिक्षा विकास निर्देशनालय, गण्डकी प्रदेशका अनुसार परीक्षाका लागि प्रदेशका ११ जिल्लामा २०४ परीक्षा केन्द्र तोकिएको छ ।
निर्देशनालयका अधिकृत खेमराज पौडेलका अनुसार परीक्षार्थीमध्ये नियमिततर्फ ३७ हजार १५, प्राविधिक तर्फ (नियमित) १३९० र ग्रेडबृद्धिका लागि ७ हजार ३ सय ९१ छन् ।
परीक्षार्थीमा सबैभन्दा बढी कास्कीमा ११ हजार ६० जना र सबैभन्दा कम मनाङमा जम्मा ४६ जना छन् । यसैगरी नवलपुरमा ६ हजार ४ सय २२, तनहुँमा ६ हजार ३ सय २, स्याङजामा ४ हजार ९ सय ७६, बागलुङमा ४ हजार ८ सय ६७ विद्यार्थी परीक्षामा सहभागी हुदैछन् ।
त्यस्तै गोरखामा ४ हजार ४ सय ६२, लमजुङमा २ हजार ९ सय ४१, पर्वतमा २ हजार ३ सय ५, म्याग्दीमा २ हजार २ सय १६ र मुस्ताङमा १९९ जना एसईईमा सहभागी हुने पौडलले बताए ।
