जेठ ६, २०८३ / 2026-05-20
दक्षिण कोरिया – उत्तर कोरियाले युक्रेनसँग लड्नका लागि सेना पठाएको दक्षिण कोरियाको जासुसी संस्थाले जानकारी दिएको छ।
यसले दक्षिण कोरियाको सुरक्षामा समेत समस्या रहेको जनाइएको छ। युक्रेनका राष्ट्रपति भालाडोमिर जेलेन्सकीले १० हजार जना युद्धमा जोडिन सक्ने भएको बताएका छन्। दक्षिण कोरियाली राष्ट्रपति योन सुक योलले शुक्रबार सुरक्षा अधिकारीसँग बैठक राखेका थिए। उनले यस घटनालाई गम्भीरतापूर्वक लिन अन्तर्राष्ट्रिय समुदायलाई अपिल पनि गरे।
जासुसी निकायले दक्षिण कोरियालाई दिएको जानकारी अनुसार अहिले १५ सय जना रुसमा छन्। १२ हजारसम्म सेना उत्तर कोरियाले रुसमा पठाउन सक्नेछ। पछिल्लो समय यी दुई देशको सम्पर्क बढेको छ।
युक्रेनका गुप्तचर प्रमुख क्रायलो बुडानोभले दिएको जानकारी अनुसार पूर्वी रुसमा एक हजार उत्तर कोरियाली युवा युक्रेनसँग लड्नका लागि सैन्य प्रशिक्षण गरिरहेका छन्। उनले बताए अनुसार उनीहरूलाई १ नोभेम्बरदेखि युक्रेनसँग लड्नका लागि तयार पारिँदै छ। रुसको पश्चिमी कर्सक क्षेत्रमा उनीहरूलाई पठाइँदै छ।
