उच्च अदालत पाटनका न्यायाधीश मरासेनीको निधन

खोजतलास

२०८० माघ १७ बुधवार

16.3k Shares

काठमाडौं- हृदयघातका कारण उच्च अदालत पाटनका न्यायाधीश मातृकाप्रसाद मरासेनीको ५६ वर्षकाे उमेरमा आज बिहान निधन भएको छ । बिहान साढे आठ बजेतिर हृदयघात भएपछि उनलाई उपचारका लागि कलङकीस्थित नेपाल नेशनल अस्पताल पुर्‍याइएको थियो ।

उनको उपचारका क्रममा बिहान १० बजेतिर निधन भएको उच्च अदालत पाटनका प्रवक्ता तीर्थराज भट्टराईले जानकारी दिए ।उनका अनुसार न्यायाधीश मरासेनीकी छोरी पोखरामा छन् । उनी त्यहाँबाट काठमाडौं आएपछि आजै पशुपति आर्यघाटमा अन्त्येष्टि गरिनेछ ।