तमू युवा ह्युल छोंज धींः पहिचानको माग, तमू संघसंस्थालाई एक बनाउने उद्घोष

‘तमु भाषामा प्रचलित सबै गाउँ, स्थान, नदी, खोला,ताल तलैयाहरु जो अहिले खसकरण हुदैं लोप गरिएका नामहरु हरेक प्रशासनिक इकाइमा पुन तमु भाषामै नामकरण गरि तुरुन्त लागु नगर्दासम्म दबाब मूलक संघर्षका कार्यक्रमहरु सञ्चान गर्ने संकल्प गरिएको छ’, नवनिर्वाचित अध्यक्ष तोरण गुरुङले बताए।तमु मातृ भाषा पाठ्यक्र र सरकारी कामकाजको भाषामा तमु भाषा लागू गर्नुपर्ने माग गरिएको छ। देशको रक्षार्थ अंग्रेज पौजलाई परास्त गर्न भूमिका खेल्ने सरदार बंशु गुरुङलाई राष्ट्रिय विभूति घोषणा गर्नुपर्ने गुरुङले उल्लेख गरे।

घोषणापत्रमा तमुहरूको पहिचानको माग गर्दै तमुहरूको सबै संस्थालाई एकताको शूत्रमा बाँध्ने जनाइएको छ।अविधेशनले कास्कीका तोरण गुरुङको नेतृत्वमा नयाँ कार्य समिति चयन गरेको छ। महासचिवमा तनहुँका मनराज गुरुङ चयन भएका छन्। ७ पदाधिकारीसहित २९ सदस्यीय केन्द्रीय समिति निर्वाचित भएका हुन्।