बागलुङमा ४ हजार ४५२ मत बदर

बागलुङमा प्रतिनिधि सभा सदस्य निर्वाचनमा चार हजारभन्दा बढी मत बदर भएको छ।
जिल्ला निर्वाचन कार्यालयका अनुसार क्षेत्र नम्बर १ मा भन्दा क्षेत्र नम्बर २ मा बढी मत बदर भयो।
मतपत्रमा गलत स्थानमा छाप लगाउने, एकभन्दा बढी चिन्हमा छाप लगाउने, र खाली मतपत्र हाल्ने जस्ता कारणले मत बदर भएको हो।
बागलुङ । २१ फागुनमा सम्पन्न प्रतिनिधि सभा सदस्य निर्वाचनमा बागलुङमा चार हजारभन्दा बढी मत बदर भएको छ । दुई निर्वाचन क्षेत्र रहेको बागलुङमा चार हजार ४५२ अर्थात ४.६३ प्रतिशत मत बदर भएको हो । 

निर्वाचन अगावै गाउँ गाउँमा पुगेर मतदाता शिक्षा दिए पनि मत बदर नरोकिएको जिल्ला निर्वाचन कार्यालय बागलुङका निर्वाचन अधिकारी यज्ञप्रसाद रिजालले जानकारी दिए । उनका अनुसार क्षेत्र नम्बर १ मा भन्दा क्षेत्र नम्बर २ मा बढी मत बदर भएको छ ।

बागलुङ क्षेत्र नम्बर १ मा एक हजार ८७१ र क्षेत्र नम्बर २ मा दुई हजार ५८१ मत बदर भएको निर्वाचन अधिकारी रिजालले बताए । 

क्षेत्र नम्बर १ मा ९८ हजार ४६ मतदाता रहेकामा ४८ हजार ९३२ मत खसेको थियो । त्यसमध्ये ४७ हजार ६१ मत सदर भएको छ । जुन ९६.१८ प्रतिशत हो ।

क्षेत्र नम्बर २ मा ९५ हजार ३३५ जना मतदाता रहेकोमा ४७ हजार २०७ मत खसेको थियो । त्यस मध्य ४४ हजार ६२६ मत सदर भएको छ । जुन ९४.५३ प्रतिशत हो ।

निर्वाचन अधिकारी रिजालका अनुसार मतपत्रमा गलत स्थानमा छाप लगाउने, एकभन्दा बढी चिन्हमा छाप लगाउने लगाउने,  खाली मतपत्र हाल्ने गरेको पाइएको छ ।