ठाकुर गैरेको निर्वाचन खर्च २८ लाख ४५ हजार

पाल्पा । नेकपा एमालेका नेता तथा पाल्पा क्षेत्र नम्बर २ का उम्मेदवार ठाकुर प्रसाद गैरेले प्रतिनिधि सभा सदस्य निर्वाचन २०८२ का दौरान भएको आफ्नो चुनावी खर्च विवरण सार्वजनिक गरेका छन्। 

निर्वाचन ऐन २०७४ को दफा ७२ को प्रावधान अनुसार तोकिएको समयभित्रै उनले जिल्ला निर्वाचन कार्यालयमा रितपूर्वक खर्च विवरण दर्ता गराएर सर्वसाधारणका लागि समेत जानकारी गराएका हुन्।

उनले आफ्नो कूल खर्च २८ लाख ४५ हजार रुपैयाँ भएको जानकारी दिएका छन् । यसमध्ये सबैभन्दा बढी खर्च वडामा सञ्चालन गरिएको निर्वाचन सम्पर्क कार्यालयमा भएको छ । जहाँ उनले ८ लाख ८० हजार रुपैयाँ खर्च गरेका छन्।