आश्विन २१, २०८३ / 2026-10-07
काठमाडौं- नेकपा एमालेका उपाध्यक्ष पृथ्वीसुब्बा गुरुङले प्रतिनिधिसभा निर्वाचनमा नेकपासँग तालमेलको सम्भावना नरहेको बताएका छन् ।
प्रेस चौतारी नेपालले मंगलबार काठमाडौंमा आयोजना गरेको कार्यक्रममा गुरुङले भदौ २३ र २४ को घटनामा एमाले र नेकपाको दृष्टिकोण नै फरक रहेकाले तालमेल हुन नसक्ने बताएका हुन् ।
अहिले कांग्रेसले पनि एक्लै चुनाव लड्ने भनिरहेको अवस्थामा एमाले एक्लै उत्रने उनले बताएका छन् ।
गुरुङले लोकतान्त्रिक व्यवस्थाप्रति एमाले र कांग्रेसजति प्रतिबद्ध नेकपा नभएको तर्क गरे । अराजकता, अस्थिरता र प्रतिगमन सच्च्याउन एमाले लाग्ने भएकाले केही स्थानमा सातोतिनो सहकार्य हुन सक्ने उनले बताए।
उपाध्यक्ष गुरुङले केही पार्टी र व्यक्तिले आफूलाई नयाँ । अरुलाई पुराना भनेर आरोप लगाउने गरेको भन्दै उनीहरूसँग कुनै एजेण्डा नरहेको धारणा राखे ।
कसैले आरोप लगाउँदैमा लामो इतिहास भएका पार्टीको सान्दर्भिकता नसकिने उनले बताएका छन् । उनले आगामी निर्वाचनमा आफ्नो जित सुनिश्चित रहेको दाबीसमेत गरेका छन्।
