श्रावण ३०, २०८३ / 2026-08-15
काठमाडौं – दिनेश राउतको निर्देशनमा बन्ने फिल्म ‘कुमारी’को पोस्टर सार्वजनिक गरिएको छ । निर्माण पक्षले आइतबार फिल्मका शीर्ष कलाकार नायक अभिषेक खड्का र नायिका आकृति राजभण्डारी फिचर्ड पोस्टर सार्वजनिक गरेको हो ।
पोस्टरमा अभिषेक र आकृति रोमान्टिक देखिएका छन् । यसले उनीहरू सुखद प्रेममा रहेको संकेत गर्छ ।
साथै, पोस्टरले फिल्म युवा जोडीको प्रेम कथामा बनेको प्रस्ट पार्छ ।
पोस्टरको पृष्ठभूमिमा ‘तरंग’हरू देख्न सकिन्छ । उनीहरूको प्रेम उत्कर्षमा रहेको संकेत गर्न उक्त तरंगहरु प्रयोग गरिएको निर्माण पक्षले बताएको छ ।
पोस्टर सार्वजनिकसँगै निर्माण पक्षले फिल्मको नयाँ गीत ‘तिमी बिना’ पुस ३ गते सार्वजनिक हुने जानकारी दिएको छ ।
‘कुमारी’को प्रदर्शन मिति माघ २३ लाई तोकिएको छ ।
पछिल्लो दशक सामाजिक कथाका फिल्ममा अभ्यास गरेर निर्देशक राउत लभस्टोरी जनरामा फर्किएका हुन् । उनी ‘आईएम सरी’ र ‘नोभम्बर रेन’ जस्ता सफल लभस्टोरी फिल्मका निर्देशक हुन् ।
विकास सुबेदीले लेखेको यस फिल्मको निर्माता महेन्द्र अधिकारी हुन् ।
